DILI-Sekertariu Estadu Promosaun Igualidade (SEPI), sei promove istoria feto Timor, tamba feto Timor durante ne’e involve aan iha luta ba rai ida nee, hodi hetan Independensia.
Sekretaria Estadu Promosaun Igualidade Idelta Maria Rodrigues hateten SEPI sei prepara istoria feto Timor, hodi tau iha jornal inklui iha museum, atu nune’e ema iha nasaun seluk mos bele hatene no konhese feto Timor.
Tamba nee ami sei prepara istoria feto Timor nia, depois ita sei hanoin halo imprimi, para tau mos iha museum para ema seluk nasaun seuk mai hare mos, feto laos kaer kilat deit, maibee halo mos buat sira seluk, neduni prezisa tau iha museum, hateten SEPI Idelta, ba Jornalista sira iha Palasiu Governu, Dili, Sigunda (07/10/2013).
Iha parte seluk Jelia da Conceição Gomes hanesan Organizasaun Popular de Mulher Timorense (OPMT), hateten koalia konaba istoria feto, nee istoria barak tamba nee tenki konta ho lolos, tamba feto barak maka involve aan ba luta libertasaun Nasional. Informasaun kompletu iha STL jornal no STL Web, edisaun Tersa (8/10). João Anibal