DILI—Sekretariu Estadu Seguransa (SES), Kinta (11/7) fahe koinesementu ba iha komunidade Rai Robo, kona ba violensia bazea ba jeneru.
Kona ba Aktividade Planu Asaun Nacional no Violensia Bazeia ba Jeneru (PAN-VBJ), ne’ebe partisipa mai husi lider komunitariu, membru PNTL, no Seguransa Sivil (DNSEP), ne’ebe ho tema “Hamutuk hasae konsiensia hodi kombate Violensia Domestika no haburas harmonizasaun iha Familia no Sosiedade”.
Administrador Sub Distritu Atabae, Cidonio Fontes fo agradesementu ba ekipa SES tanba bele implementa programa ne’e iha Sub Distritu Atabae, no nia akresenta katak ho implementasaun programa ne’e, bele eduka no disemina informasoun kona ba materia no lei Violensia Domestika nian.
“Lei Violensia Domestika ne’e importante ba ita hotu, tamba dala barak mak violensia hirak ne’e akontese iha ita nia uma laran, maibe ituoan deit mak informa sai ba ita nia Autoridade sira, Polisia Ekuadra Atabae sira, tamba dala barak mak kuandu akontese problema Violensia Domestika nonok deit iha uma laran,” nia hatete.
Administrador Atabae mos tristi ituan, tanba Xefi suku no Xefi Aldeia sira ne’ebe kovida maibe la marka prezensa iha formasaun ida ne’e. Tuir Administrador ne’e katak nu’udar Autoridade lokal, sira mak sai hanesan exemplu no mos servedor ba povu ida ne’e, tenki iha kunesementu kona ba lei. Informasaun kompletu iha STL Jornal no STL Web, edisaun Segunda (15/7). Oscar Salsinha