DILI—Governu liu husi Sekretariu Estadu Seguransa (SES) propoin tan orsamentu 400 mil, atu sosa tan kilat nebe’e diak, hodi troka kilat nebe’e a’at, liu-liu iha polisia unidade fronteira.
Tuir SES Francisco Guterres katak governu liu husi SES propoin tan orsamntu provolta de kuatru centus mil, atu sosa tan kilat foun ba iha Polisia Unidade Fronteira, tanba kilat sira nebe’e maka unidade fronteira uja kuaje a’at hotu ona.
Laos propoin deit orsamentu ba sosa kilat, maibe’e propoin mos orsamentu 2014 ba sektretaria estadu, nove miloens ital mas ba PNTL 27 miloins. Total ami ne’e maka propoin kuaze 27 miloins ital, ida nee la konta ho kapital menhor no capital dezenvolvementu, dehan Fransisco ba Jornalsita sira iha Kuartel Jeral PNTL Kaikoli Dili, Kuarta (15/01/2014).
Entretantu komadante jeral PNTL Komisariu Longuinhos Monteiro, hateten kona ba sosa kilat, sosa farda, inklui infrastutura nia la fo komentariu, tanba ida nee governu liu husi SES maka iha kompetensia. Informasaun kompletu iha STL Jornal no STL Web, edisaun Kinta (16/1/2014). Sonia Ferreira/Carme Ximenes