Setor Privadu Importante Ba Dezenvolvimentu

DILI – Setor privadu sai papel importante ba dezenvolvimentu ekonomia rai laran, tanba nee presiza governu apoiu atu dudu kresimentu rai laran ba oin.

Diretor Ezekutivu CCI-TL Nuno Trindade hatete katak, durante nee governu apoiu ona, setor privadu barak maka partisipa iha Kontrusaun Sivil hanesan hadia Estrada no ponte hodi hetan osan. CCI-TL iha politika atu dezenvolve area produtivu hanesan Setor Peskas, Turismu, Agrikultura, Industria masin, maibe importante Governu tenke apoiu asesu kreditu  finanseiru iha banku, hodi halo investimentu, tanba durante nee setor privadu hasoru problema kapasidade Finanseiru minimu tebes.

Hau hanoin ekonomia lao diak, Setor Privadu tenke kontribui ba investe iha setor produtivu hanesan agrikultura, peskas, industria, hodi bele  fo retornu ekonomia ba Estadu, labele depende ba osan minarai,’’dehan Nuno ba STL,  Tersa (07/03/2017  iha knar fatin Akait

Nia hatete, Setor privadu balun depende ba projetu governu nian, atu nunee hetan lukru husi projetu investe iha setor produtivu, oinsa ajuda governu buka reseitas domestika husi alternativu   seluk iha setor oin-oin.

Durante nee depende reseitas minarai hodi halo dezenvolvimentu iha rai laran, mina folin tun, afeta ba rendimentu buka reseitas husi setor seluk hodi substitui ba reseitas minarai no gas.

Iha parte seluk Deputadu Domingos Carvalho Araujo hanesan Vise Presidente Komisaun D hatete, Dezenvolvimentu ekonomia sustentabilidade tenke investe iha setor produtivu no industria kiik hodi fo retornu ekonomia ba estadu laos depende ba projetu governu nian, maibe ohin loron setor privadu balun sei depende ba konstrusaun sivil.

Hau hanoin setor privadu sai parseiru governu nian, tenke apoiu governu halo investimentu iha setor produtivu fo reseitas ba estadu, laos depende ba osan minarai,’’dehan Nia.

Nunee mos Vise Prezidente CCI-TL Joao Alves katak, setor privadu involve iha prosesu dezenvolvimentu rai laran, oinsa dudu kresementu ekonomia bele lao ba oin.

“Setor privadu hahu involve konstrusaun sivil, oinsa hetan osan lukru husi projetu nee hodi investe ba iha setor produtivu, laos depende ba konstrusaun sivil, maibe politika CCI-TL iha planu estratejiku dezenvolvimentu nasional, hodi investe setor produtivu neebe iha retornu ekonomia,  kontribui reseitas ba estadu,’’ dehan Nia. Josefa dos Santos

 

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...