DILI-Inpaktu husi lampada sinais transitu iha Kapital Dili barak maka la funsiona, nee duni sempre hamosu engravamento (kemacetan) iha fatin-fatin liuliu iha kruzamentu, inklui hamosu asidente trafiku. kondutor sira fasil atu hasoru asidente, tamba sinais transitu hanesan fo sinal ida ba transporte hotu-hotu. Agostino dos Reis nudar kondutor ba STL iha Audian Dili, Tersa (7/5/2013).
Tuir Agostinho katak, sinais tranzitu ne’e importante tebes, maibe realidade iha Kapital Dili sinais tranzitu barak mak la funsi ona, nee duni sempre difikulta movimentu tranzitu maibe husi parte Dirasaun Nasional Transporte Tretre (DNTTL) latau matan hodi hadiak hikas lapada tranzitu sira neebe aat. “Ami hanesan kondutor preokupa tebes ho sinais tranzitut ne’ebe at, lampada tranzitu importante tamba fo sinal ba transporte hotu atu nune’e tama no fo tempu ba malu,”hateten nia.
Nia hatutan katak, sira sente preokupa tamba dala barak ona mak hasoru asidente fasil tebes bainhira iha dalan kurva, tamba ne’e presiza kontrola sinais tranzitu ne’ebe mak komesa la fungsi iha Kapital Dili. Iha parte seluk pasanjeros Veronica da Dores hateten, lampu tranzitu kleur ona governu preokupa maibe la hantene los bainhira mak atu aloka orsamentu ba lampu sinais, tamba ema barak mak mate no barak mak hetan aliza tan deit lampu tranzitu la fungi.
Nia informa katak, kondutor sira ne’e mos hanesan, balun halai la kalma no sira hare mak lampu la lakan ne’e sira halai liu deit, no taka tomak dalan ne’e, ho buat hirak ne’e mak akontese desastre la para ne’e. Turi ovservasaun STL nota katak, lampu tranzitu iha Capital Dili maioria at barak. Maibe to’o oras ne’e governu rasik sei dauk iha atensaun ba lampu tranzitu, tamba ne’e fasil tebes atu hasoru desastre lor-loron.Mj2
