STAE Distribui Ona Materiais Sensitivus Ba Rai Laran No Diaspora

DILI-Ministeriu Administrasaun Estatal (MAE) liu husi Sekretariadu Tekniku Administrasaun Eleitoral (STAE), akompania husi Komisaun Nasional Eleisaun (CNE), Grafika Nasional (GN), United Nation Development Program (UNDP)no Polisia Nasional Timor Leste (PNTL) halao distribuisaun ba materiais sensitivus no naun sensitivus ba rai laran mos diaspora.

Distribuisaun materiais sensitivus no naun sensitivus ba rai laran mos diaspora nee liu husi serimonia solene neebe asiste mos husi fiskais kandidatu prezidente republika nian, observador internasionais no nasional sira hetan seguransa mazimu husi PNTL.

Iha biban nee, Diretor Jeral STAE, Acilino Manuel Branco hatete katak, hahu ohin (orsehik-red) komesa halo ona distribuisaun ba materiais sensitivus no naun sensitivus ba iha rai laran mos rai liur.

Husi material neebe mak iha material sensitivu no naun sensitivu, naun sensitivu hanesan atividades baibain ita organiza, material sensitivu tuir prossedementus legais neebe mak iha ita,” dehan Acilino liu husi diskursu iha edifisiu STAE, Caicoli-Dili, Tersa (14/03/2017).

Acilino garante katak ho materiais sensitive neebe mak distribui ba rai laran no rai liur nee bele lao ho diak no susesu tuir fatin neebe mak distinadu ona.

Iha fatin hanesan, Prezidente Komisaun Nasional Eleisaun (CNE), Alcino Barris dehan, distribui material nee ba iha kraik, ezije responsabilidade mazimu para labele iha failansu durante prosesu atendementu.

Alcino sublina, materiais sira durante iha munisipiu hetan supervizaun husi parte hotu-hotu alende CNE obsevador internasionais no nasionais media social sira hotu-hotu tau matan lisuk. Raimundo S. Fraga

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...