STAE Servisu Hamutuk Ho USAID Breafing Jornalista Konaba Prosesu Eleisaun Suku

DILI – Ministeriu Administrasaun Estatal (MAE), liu husi Sekretariadu Tekniku Administrasaun Eleitoral (STAE) servisu hamutuk ho USAID nia projetu ba Munisipiu liu husi Counterpart Internasional, briefing media liu-liu jornalista sira konaba lei suku no prosesu eleisaun suku.

Tuir Diretor Jeral STAE, Acilino Manuel Branco dehan, ohin hanesan loron oportunu diak ba media sira atu fahe informasaun ba publiku konaba preparasaun ikus ba eleisaun xefe suku nian ba iha eleisaun xefe suku iha tinan 2016.

Hakarak informa ba media sira katak, iha fulan tolu nee STAE okupadu duni, aleinde ita konsentra apoiu ba eleisaun suku, parte ida mos ita halo hela preparasaun ba hasoru eleisaun jeral 2017,” dehan Acilino ba jornalista sira wainhira loke abertura ba sorumutuk iha edifisiu Caicoli-Dili, Sesta (07/10/2016).

Acilino haktuir, laos nee deit, iha oras nee mos iha hela ambitu preparasaun ba iha eleisaun jeral 2017, iha loron hira liu ba kotuk, lansa ona resensiamentu no aktualiza baze dadus neebe oras nee lao hela iha postu administrative.

Iha sorin seluk, Jestor Eleisaun programa USAID ba Munisipiu, Antonio da Costa Soares dehan, USAID nia programa apoiu ba Munisipiu neebe mak suporta husi povu Amerikanu ohin halao briefing ho media liu-liu jornalista sira konaba prosesu eleisaun suku. Informasaun kompletu iha STL Jornal no STL Web, edisaun Sabado (7/10/2016). Raimundo S. Fraga

 

LEAVE A REPLY

Please enter your comment!
Please enter your name here