Suku Costa Muda Centru Votasaun

AMBENO-Xefe Suku Costa, Sub Regiaun Pante Makasar, Oecusse, Aleixo Abi sei muda centro votasaun husi Kinat ba Lauk Foan. Kinat lamerese tau centro votasaun tamba problema rai monu husi foho lolon, monu no taka metin estrada. Kareta labele lao liu, nomos seidauk asesu elektrisidade.

Tamba razaun hirak nee mak, centro votasaun tenki muda ba Lauk Foan.

Hau sujere ba STAE, CNE no Diresaun Obras Publiku, presiza muda ecntro votasaun husi Kinat ba Lauk Foan. Maske Lauk Foan dok uit oan maibe kondisaun dalan diak no asesu ona electrisidade,” hateten Aleixo Abi ba STL, Tersa (14/3/2017).

Konaba situasaun seguransa oras nee dadaun iha Regiaun Oecusse, Komandante PNTL Regiaun Oecusse, Arnaldo de Jesus hateten, situasaun jeral iha rejiaun nee lao diak no kontroladu. I preparasaun ba eleisaun prezidente loron hira mai nee, nia dehan, Komando PNTL Regiaun Oecusse prepara ona membru polisia nain 146 hodi asegura seguransa durante eleisaun prezidensial.

Too loron eleisaun, nia parte sei koloka membru polisia nain 93 ba centru votasaun 33 iha Regiaun Oecusse. Kada centru votasaun sei aloka polisia nain 2 ou 3.

Konaba kondisaun dalan no elektrisidade ba area neebe seidauk asesu, ida nee parte STAE nia responsabilidade. Oinsa STAE resolve. Konaba oinsa fatin kontajen votus, nia dehan, PNTL prontu prepara too eleisaun remata.

Nunee mos hosi Diresaun Obras Publiku (DOP) Oecusse. Diretor DOP Oecusse, Candido dos Reis Amaral hateten, hela loron 6 ou 7 Timor Leste tama ona ba eleisaun prezidensial. “Ami nia ekipa tekniku sira prontu atu prepara ekipamentus wainhira iha problema ruma iha loron votasaun. Ami prepara ona tekniku maksimu hodi suporta aktividade povu iha loron votasaun, dia 20 Marcu 2017,” hateten Candido dos Reis Amaral. EST5

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...