DILI-Reprejentante povu iha uma fukun Parlamentu Nasional (PN), husi bankada Opozisaun FRETILIN, Deputada Josefa Perreira afirma, prostituisaun mosu kleur ona, nebe’e susar tebes atu halakon, maibe ema ida-idak tenki iha konsiensia rasik atu oinsa bele hado’ok a’an husi aktividade ne’e.
Deputada Josefa Pereira hatete prostitusaun hanesan asuntu nebe sensible, tamba prostitusaun mosu kleur ona, tamba ne’e susar atu halakon, maibe bele redus, fila fali ba ema ida-idak nia konsiensia.
Susar teb-tebes ita atu halakon prostituisaun ne’e, maibe oinsa mak ita atu redus uituan moris sira hanesan ne’e, hau hanoin tuir igreja ninia hare, tanba igreja ninia responsablidade atu hare buat ida moral vida moris ema katolika nian, kada vez ita atu redus, maibe aumenta ba bebeik deit, ida ne’e ita presiza mai husi ema ida-idak nia konsiensia rasik atu oinsa bele hadok a’an husi aktividade prostituisaun ne’e rasik, dehan Deputada Josefa ba STL iha uma fukun PN Segunda (09/09).
Deputadu bankada PD Paulino Monteiro hateten, ho fatin prostituisaun sira ne’e bele fo moras a’at ba joventude sira, tanba ne’e governu presiza atu hare maximu ba kestaun ida ne’e, oinsa mak Polisia sira atu halo kontrola maximu ba iha fatin sira ne’e. Informasaun kompletu iha STL Jornal no STL Web, edisaun Tersa (10/9). Jasinta Sequeira-Jesuina da Costa