Taka Moe, Arguidu 3 Fo Multa $200 Ba Luizinho

DILI-Taka moe arguidu Abilio da Conceiçao, Alberto dos Santos no Olinda da Costa fo multa $200 ba lezadu Luizinho de Araujo Pinto, tanba hasai liafuan at no duun matak lezadu mak oho sira nia karau.

Liu husi audensia Tribunal deklara katak, kazu krime neebe mak arguidu nain tolu komete ofensas integrade fizika simples neebe previstu iha artigu 145 kodiku penal Timor Leste, nee ho nia natureza semi publiku. Tanba nee lei fo dalan ba tribunal hodi halo tentativa rekonsiliasaun, karik lezadu hakarak dada fila fali kazu nee no hakarak taka lei fo dalan.

Nunee tribunal konfirma ba lezadu, no lezadu hakarak dada fila kazu nee no hakarak dame malu ho arguidu sira maibe tenke fo sala para taka moe neebe mak arguidu sira halo ba nia. Ho ida nee nia husu atu arguidu sira fo $200 hodi taka nia moe.

Hatan ba kestaun nee, arguidu sira mos konkorda fo sala $ 200 no hakarak atu dame malu ho lezadu. Nunee tribunal homolonga dezistensia de keisa no arguidu ho lezadu hadame kedas iha tribunal nia oin.

Tuir akuzasaun husi Ministeriu Publiku katak iha loron (6/2/2012) tuku 18:00 otl iha eskola secundariu numeru 1 Liquisa lezadu Luzinho de Araujo Pinto ba loke ahi eskola. Bainhira atu taka odamatan bot, derpenti arguidu sira insulta no tolok lisuk lezadu ho liafuan katak oho ami nia animal ba hodi fo han fen ho oan sira bokur para kalan hodi het. Rona ida nee lezadu husu deskulpa ba arguidu sira tanba laos nia mak oho sira nia karau. Nunee arguidu Abilio tuku dala rua iha lezadu nia hasan parte karuk no arguidu rua seluk tolok lisuk. Informasaun kompletu iha STL Jornal no STL Web, edisaun Sesta (11/3/2016). Domingas Gomes

LEAVE A REPLY

Please enter your comment!
Please enter your name here