DILI-Tanba deit bee, lejada Lusiana da Costa, tenke lori arguidu Moizes ho nia kaben Joana Jeronimo ba hatan iha Tribunal. Nebe dehan katak arguidu nain rua la hatan lejada kuru be’e hodi baku nia to matan fukun kanek.
Iha audensia julgamentu, tribunal liu husi juis singular Jose Maria de Araujo le’e sai akuzasaun katak iha loron 9 Setembru 2010 tuku 9, lejada ho arguidu hadau malu be. Hodi bolu polisia ho autoridade lokal sira hodi rejolve. No iha tuku 5 loraik, lejada atu ba kuru bee arguida Joana hakilar dehan naokten be. Nunee arguidu Moizes hakat ba tuku iha lejada nia rentos noa arguida Joana halai lori fatuk hodi baku iha lejada nia matan fukun.
Iha julgamentu arguido Joana ho Moizes hatete akuzasaun sira ne’e lalos no falsu hotu. Basa iha kazu nee tuir los sira mak sai vitima maibe tanba lejada sira mak halo keixa uluk nemak sira sai fali arguido nee. Tanba problema nee mosu lejada nia alin Agida ho nia kaben Atai mak asaltu uluk arguidu Joana iha nia uma laran.
Nunee arguido Moizes la fo fatin ba Atai, hodi dudu nia sai mai liur to’o sira nain rua monu ba rai. Depois Agida no nia alin Merita ataka hodi sae ba iha arguido Moizes nia leten, nunee lejada Lusiana lori fatuk atu mai baku arguidu Moizes. Tanba arguida Joana atu salva nia kaben husi lejada Lusiana ho nia alin sira, nia fila oin hodi kaer netik Lusiana nia liman nebe kaer hela fatuk. Ho ida nemak fatuk nee fila kona ba iha lejada Lusiana nia matan fukun sorin to ran. Informasaun kompletu iha STL Jornal no STL Web, edisaun Kuarta (26/2/2014). Domingas Gomes