DILI- Arguida Esmenia Carvalho dos Santos tenke sai arguida, tanba deit nia maun Marselo Caitano hola fali feto ki’ik ka feto seluk. Nudar feton, nia la satisfas ho feto ki’ik nebe mak kait fali nia maun, tanba nia maun iha ona ferik oan.
Akuzasaun husi Ministeriu Publiku katak iha loron 30 Maio 2011 tuku 11:50 iha aldeia 30 de Agustus, suku Comoro arguida ho Maria Agustinha Sabuk Seran ba iha fatin akontesimentu, hodi husu tuir kona ba Maria nia laen Marselo Caitano nebe kaben fali ho lezada Joaninha da Costa.
Tolok hotu arguida, hakat ba hodi kaer iha kamizola, tanba ne’e sira nain rua rakut malu. I arguida lori liman los tuku dala ida iha ibun, inus no iha kotuk laran. Bainhira Fransisca Baptista hare sira baku malu, nia halai hodi haketak sira nain rua. Arguida hases-an hodi tolok nafatin lejada Joaninha hodi dehan lia mal fatin lulik feto nian.
Konsekuanesia husi agresaun ne’e halo lejada nia inus, ibun hetan kanek no ran sai hodi ba halo tratamentu iha hospital. Arguidu halo krime ho livre, voluntaria konsentemente nomos hatene katak hahalok arguida ne’e lei bandu. No MP akuza arguida halo krime ofensas integridade fisika simplest iha artigu 145 no 1 kodigo penal.
Arguida Esmenia Carvalho dos Santos hatete, iha kazu ne’e tuir nia parte mak sai lejada. Tanba lejada ne’e hadau ema nia laen. Lejada hadau nia maun husi nia fen bo’ot Maria Agustinha Sabuk Seran, nemak nia ho nia kuinada atu ba husu tuir. Informasaun kompletu iha STL Jornal no STL Web, edisaun Kuarta (29/1/2014). Domingas Gomes