Tanba Deit La Hare Animal, Carlos Tenke Fo Sala Fahi-Tais 1 Ba Nia Bin

DILI-Tanba deit alin sira la hare animal no la fo han fahi, arguido Carlos tenke baku nia alin mane no nia bin hodi aisuak, ba lezada Terezinha dos Santos nia matan fukun to ran.

Liu husi audensia julgamentu tribunal liu husi juis presidenti Jacinta Correia le’e akuzasaun husi Ministeriu Publiku katak iha loron 12 Outobru 2011, tuku ida kalan arguido hanorin nia alin Leonardo tanba la hare animal no la fo han fahi, mak hodi halo nia hirus alin mane.

Depois nia bin Terezinha hirus arguido atu labele hirus labarik kiik. Ho ida nee arguido fila atu basa nia, Terezinha foti ai dona hodi hasoru arguido. Ho ida nee arguido foti aisuak baku lezada Terezinha iha nia mata fukun rejulta ran sai. Ho ida nee vitima ba baixa kedas iha klinika Leorema, Bazartete.

Iha fatin hanesan arguido konfesa ba tribunal katak nia halo duni krime ba nia bin no nia alin. Nebe nia konfesa tuir akuzasun nebe mai husi ministeriu publiko nian. No depois problema, sira kedas tuir kostume lisan manefoun no uma mane. Nia fo sala fahi no tais ida ba nia bin, no nia bin fo fali bibi ida no osan $50 ba arguido. Informasaun kompletu iha STL Jornal no STL Web, edisaun Kinta (21/11/2013). Domingas Gomes 

LEAVE A REPLY

Please enter your comment!
Please enter your name here

NEWS UPDATE

Nilton: Kompetisaun LFTL Tinan Nee Realiza Nafatin

DILI, STLNEWS.co – Prezidente Liga Futebol Timor Leste (LFTL), Nilton Telmo Gusmão hatete, kompetisaun LFTL epoka tinan 2022 tenke realiza nafatin ho durasaun tempu...

Ekipa STL Corp. Hasoru Malu Ho General Manager Bank Mandiri Timor Leste

DILI, STLNEWS.co - Ekipa Suara Timor Lorosae Corporation (STL Corp.) neebe dirije husi Supervisor STL Corp, António César de Jesus Soares akompaña husi Redaktur...

Ezonera Tenente Jeneral Lere, Governu Nomeia Falur Ba XEMFA

DILI, STLNEWS.co – Konsellu Ministru (KM) aprova ona projetu governu nian konaba ezonera Tenente Jeneral Lere Anan Timur husi Xefe Estadu-Maiór Forsas Armadas (XEMFA) no nomeia...