Tau Funsionariu Ba Kada Ministeriu, Tenke Tuir Back-Ground Akademiku

DILI-Membru Bankada Fretilin Eladio Antonio Faculto de Jesus husu governu presiza haree fali sistema tau (penempatan) funsionariu publiku (FP) ba kada ministeriu. Nia haree, penempatan funsionariu ba kada ministeriu durante nee, latuir ema ninia back-ground akademiku.

Nia fo ejemplu, hanesan ema neebe ninia back-ground akademiku ba area agrikultura tau fali ba Ministeriu Edukasaun. Nee lalos. Tuir lolos, tau ema iha fatin ida tenki tuir ema nia skill, tuir ema nia back-ground edukasaun (the rigth man, the rigth place).

Problema nee akontese ba ministeriu hot-hotu. Governu presiza haree fila fali sistema ida hanesan nee Koloka ema ba fatin ida, ba ministeriu ida, tenki tuir ema nia back-ground akademiku, labele tau arbiru deit, ” hateten Eladio Antonio Faculta de Jesus ba STL iha Uma Fukun PN, Dili, Tersa (28/2/2017).

Atu haree problema nee, nia husu governu tenki defini desizaun politika lolos. Kuandu desizaun politika defini sala, monta ema iha ministeriu mos, arbiru deit. Latuir ema nia skil.  Nee fo todan deit ba ministeriu tamba kapasidade funsionariu sira latuir formasaun akademiku.

Responde informasaun nee Prezidente Komisaun Funsaun Publiku (KFP) Faustino Cardoso hateten,  tuir lei, ema neebe atu ba tur iha vaga ida, ninia kualifikasaun tenke tuir karakterista vaga neebe iha. Se karik nia eskola, maka ninia eskola tenke han malu ho karakterista vaga. Lei mos dehan, se karik nia la eskola nia servisu ho esperensia kleur tiha ona, prense rekejitu vaga nee. Nee bele halo separasaun bazea ba Dikretu Lei Numeru 25/2016.

Rekrutamentu FP iha internu no interna interna. Dehan katak limita ba FP sira tomak mai husi nivel nasional no nivel rural ou Munisipiu ho modalidade atu konkore ba vaga neebe mak loke liu husi modalidade governu.

Ida fali, modalidade ba publiku loke ba sidadaun tomak ba vaga neebe mak iha. Maibe atu hili ida internu ka publiku ida, nee fila fali ba instituisaun ida-idak ou ministeriu ida-idak mak tenke hare didiak vaga neebe iha.

Dalan balun, dehan Faustino, vaga nee husu kualifikasaun husu rekejitu neebe iha. I FP nee tenke lao ba oin, husi tempu ba tempu, ninia kualidade tenke aumenta bebeik. Nee mak kabe ba instituisaun ida-idak atu buka hatene ema sira nee, bele ka lae apar ho rekrutamentu internu sira nee, bainhira ita dehan laiha bele loke ba publiku.  Atu nunee fo biban ba sisdadaun hot-hotu neebe mak foin eskola ramata nee oprtunidade ba sira atu konkore ba vaga neebe mak iha. Ida nee fila hikas ba instituisaun ida-idak atu hili, nia dehan.

Husi fatin lahanesan, Direktor Jeral Servisu Koperasaun Ministeriu Edukasaun, Antoninho Pires hateten oras nee sira halao hela enkontru de grupu jestor professional rekursu humanu husi ministeriu ida-idak. Nee lidera husi KFP. Oinsa atu diskuti konaba asuntu balun relasiona ho Fusan Publiku ninan liu-liu ba Funsionasiu Publiku no ajente funsionatiu kontratadu sira, neebe sai hanesan servidor estadu no servidor povu.

Ho preokupasaun hirak nee, grupu ida nee diskuti oinsa atu bele hare tok buat balun neebe bele sai hanesan mata dalan  ka sai hanesan sujestaun ruma hatoo ba iha KFP. Nunee hodi tau orentasaun ruma bele diskuti ostaklu neebe mak “ita hasoru nunee liu husi diskuti bele foti nia sulusaun hodi hatoo ba governu. Augusto da Costa

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...