Taur: Moras HIV/SIDA Sei Sobu Uma Kain

MALIANA-Presidente Republika Taur Matan Ruak fo hanoin katak, se bainhira ema ida-idak la prevene aan husi moras HIV/SIDA, mak moras nee sei sei sobu familia uma kain sira.

Xefe Estadu hatete, ema hotu lakoi moras ida nee atu akontese iha rai laran, tamba nasaun ida nee sosa ho sofrementu oin-oin.

Ita halo esforsu boot ida para ema labele monu ba tentasaun, tamba ita lako kuidadu aan husi moras HIV/SIDA, mak ita destroi ita nia futuru, kontajia ita nia familia, sobu ita nia uma kain no sobu futuru ita nia oan sira nian,” dehan PR Taur, bainhira halo dialogu ho komunidade sira iha suku Raifun, Postu Administrativa Maliana, Municipiu Bobonaro, Kinta (18/02/2016).

Eis Jeneral nee hatete, hanesan Presidente Republika preokupa ho problema ida nee, tamba sai risku no perigu, se bainhira ema hotu la hases aan husi moras ida nee.

Iha fatin hanesan Diretor Prevensaun no Edukasaun, Komisaun Nasional Kombate HIV/SIDA Atanasio de Jesus hatete, iha Timor dadus neebe iha, agora kuaze 534 mak hetan moras HIV/SIDA, husi total hirak nee iha 64 fila ona ba aman maromak no 114 mak halo tratamentu Airo B. Informasaun kompletu iha STL Jornal no STL Web, edisaun Sesta (19/2/2016). Carme Ximenes

LEAVE A REPLY

Please enter your comment!
Please enter your name here