Taur: Uluk Ema Lori Kilat Tiru, Agora Ema Lori Droga Mak Tiru

LAGA-Presidente Republika Taur Matan Ruak hatete, uluk tempu rezistensia ema lori kilat mak tiru Timor oan sira, maibee iha tempu ukun aan nee ema lori fali droga mak tiru.

Xefe Estadu mos hakfodak ho dadus husi komisaun Nasional HIV/SIDA neebe mak hatete, Timor oan barak mak hetan moras HIV/SIDA.

Uluk funu nee ema ho kilat mak Tiru, maibee agora nee droga no osan mak tiru ita, sira tiru ita labele ona, tiru fali ita nia oan sira,” dehan PR Taur, bainhira halo dialogu aberta ho komunidade sira iha suku Sagadate, postu Administrativa Laga, Municipiu Baucau, Kinta (21/01/2016).

PR Taur husu ba populasaun hotu atu servisu hamutuk hodi kombate moras HIV/SIDA, droga no seluk seluk tan, neebe mak oras nee espaila iha rai laran.

Iha fatin hanesan xefe suku Sagadate Aureliano de Jesus husu Governu atu komabte droga iha rai laran, tamba droga sei estraga estabilidade Nasional iha rai laran.

Entertantu Komisairu Komisaun Nasional HIV/SIDA, Daniel Marcal hatete, moras HIV/SIDA hamate ona ema hamutuk nain 60 resin, tamba nee husu ba populasaun sira atu hadok aan husi seksual livre para labele hetan moras nee. Informasaun kompletu iha STL Jornal no STL Web, edisaun Sesta (22/1/2016). Carme Ximenes

LEAVE A REPLY

Please enter your comment!
Please enter your name here