DILI- Tribunal Distrital Dili (TDD) Tersa (23/7) horseik kontinua halao julgamentu ba kazu homesidu, nebe Hamate Jorge Ribeiro iha Aitarak Laran besik Palasiu Prezidenti oin, Ministeriu Publiku Notifika Arguidu nain lima iha kazu ne’e.
Iha kontinuasaun julgamentu ne’e TDD kontinua rona lezadu Caitano Barros no Ajente PNTL Francisco Barros, Antes atu rona Caitano Tribunal husu atu dada prosesu Ofensas intergradu fisiku simples, tamba tuir lei krime ne’e tama kategoria semi publiku, nebe lei fo dalan bele dada ou taka iha tribunal, maibe Lezadu lakohi hodi kontinua prosesu ba oin.
Liu husi Audensia Julgamentu Lezadu Caitano Deklara ba tribunal katak Arguidu nain lima lazadu koinese arguidu Tomas, iha momentu neba agruidu nian lima baku lezadu no Arguidu Tomas ho Julio Kaer koleratu hodi baku Lazadu, maibe arguidu seluk baku, tuku, tebe no rasta Lezada nia faru to’o Lezada hakneak ba rai.
Audensia Julgamentu ne’e prezidi husi Juis Koletivu, komspotu husi juiza Edite Palmira, Juis Julio Gantes no Argentinho Nunes, Ministeriu Publiku reprezenta husi Prokuradora Internasional Gloria Alves, Arguidu nain lima hetan defeza husi Advogadu privadu Angelo Neves, kazu ne’e Adia ba loron seluk hodi rona tan deklarasaun husi sasin seluk. Informasaun kompletu iha STL Jornal no STL Web, edisaun Kinta (25/7). Timotio Gusmão