Tempu Udan, Prejudika Prosesu Aprendizajen

DILI – Professor husi Eskola Baziku Central (EBC), Sergio Viera de Mello Becora kestiona kondisaun eskola, tanba bainhira tempu udan prejudika sira iha prosesu aprendizajen.

Preokupasaun nee fo sai husi Professor lian portugues, Jose de Jesus do Rosario katak, tanba edifisiu nee antigu hari kedas iha tempu Indonesia. Nia dehan edifisiu andar rua nia kondisaun ladun favorese, tanba ai no kalen sira dodok ona, bainhira tempu udan mak udan ben tama iha sala laran.

Hau hanoin edifisiu nee la difikulta ami nia prosesu aprendizajen iha eskola, edifisiu nee antigu tanba hari kedas iha tempu Indonesia, tanba nee, edifisiu andar rua nee nia kondisaun ladun favorese, ai no kalen sira nee metan dodok tiha ona, tanba nee, bainhira iha tempu udan mak professor sira tama hanorin estudante sira iha sala laran, udan ben tama iha sala laran, ida nee mak saia prejudika professor sira iha prosesu aprendizajen, maibe prosesu aprendizajen iha eskola ida nee kontinua lao diak hanesan bai-bain,” hatete Jose ba STL iha nia knar fatin Becora, Dili, Tersa (31/01/2017).

Iha fatin hanesan adjuntu Diretor EBC Dr. Sergio Viera de Mello, Afonso Soares hatete, iha tinan 2008-2009 eskola nee rasik mosu inundasaun, tanba mota tama too iha sira nia area eskola. Total estudante hamutuk mil quatru sentus, ho professores hanorin cinquente cinco.

Nunee mos Joao de Jesus, hanesan estudante hatete, kondisaun eskola edifisiu andar rua neebe mak durante sira uja kalen mos kuak, inklui ai no plafon sira nee dodok ona, maske ho kondisaun eskola neebe mak ladun diak, maibe prosesu aprendizajen loron-loron lao hanesan bai-bain. Informasaun kompletu iha STL Jornal no STL Web, edisaun Kuarta (1/2/2017). Jacinta Sequeira/Guilhermina Franco

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...