DILI-Atu kontrola seguransa iha tribunal no ministeriu publiku, presija tau seguransa no estabelese CCTV iha tribunal. Atu nunee bele garante seguransa nebe diak ba juis, prokuradores no defensor sira.
Direktur Ezekutivo JSMP Luis Sampaio de Oliveira hatete, Ministériu públiku reprezenta estadu halo asaun penal tuir artigu 48 kodigu prosesu penal no defende legalidade demokratiku no promove banati tuir lei. Maibé, pratikamente, juiz sira nebe halao knaar atu asegura justisa ba povu no ministériu justisa nebe reprezenta estadu la hetan tratamentu merese ka adekuadu. Nee hanesan risku tebes ba sira nia vida.
Nia hatutan, iha juridikasaun hotu-hotu seidauk monta CCTV hodi kontrola seguransa iha tribunál no ministeriu publiku (ekipamentus no autor judisiáriu sira rasik). Nebee se diak estabelese CCTV atu kontrola seguransa iha tribunál entermus fasilidade no ekipamentus tribunál no juis sira rasik.
I majistradus juiz no ministeriu publiku sira tenki ba antrian hodi forma iha banku atu foti sira nia osan, nee risku ida nebe boot tebtebes. Ofisial justisa sira nebe durante nee ezekuta mandatu tribunal nian mos hetan risku ameasa seriu ba sira nia vida tanba laiha kordenasaun no protesaun adekuada ba sira durante halao sira nia funsaun iha komunidade. Informasaun kompletu iha STL Jornal no STL Web, edisaun Kuarta (13/11). Domingas Gomes
