Tenke Rekollia Resetas Bee Mos

DILI – Governu tenke Rekollia resetas husi Bee mos tanba, ema barak utiliza bee hodi fase kareta, la kontribui resetas ba estadu.

Reprezentante povu iha uma uma fukun Parlamentu Nasional, Deputadu Domingos de Carvalho katak, hare ba resetas domestika, kada tinan kiik tebes Governu rasik seidauk seriu rekollia resetas husi bee mos tan nee, kompania balun uza bee mos hodi fase kareta no benefoisiu ba sira nia aan, la kontribui resetas ba estadu.

Hau hanoin too ona tempu governu atu rekollia didiak resetas husi bee mos. Ita hare iha fatin barak maka uza bee mos estraga deit, liu liu fatin neebe fase kareta, tan nee governu tenke kontrola atu nunee bele kontribui resetas ba estadu, redus dependensia osan husi mina,”informa Deputadu Domingos de Carvalho ba STL Segunda (06/03 2017) iha nia knar fatin PN.

Nia mos informa liu tan katak, atu hasae resetas domestika iha rai laran, labele depende ba osan estadu nian, tenke rekollia dadauk resetas husi atividade kiik sira nee, tanba ema uza bee mos hodi fase kareta nee lukru ba kompania, no komunidade balun sei infrenta hela bee mos.

Iha fatin hanesan Deputadu Manuel Castro mos hatutan katak, governu agora halo hela estudu ida, konaba rekollia resetas iha rai laran, hanesan resetas husi bee mos, governu hanoin hela atu fo fiar ba kompania ida oinsa atu rekollia resetas husi bee mos, tanba ema barak maka susar atu hetan bee mos maibe, parte balun uza bee estraga deit, la kontribui resetas ba estadu nee duni, governu sei hare oinsa bele rekollia resetas husi bee mos nian.

Hau hanoin atu dependesia husi fundu mina no gas maka, hahu agora governu tenke buka meus dadauk ona, oinsa rekollia resetas husi baze, no atu hetan rendementu diak husi resetas bee mos nian maka, governu tenke halao nia funsaun ho diak, fornesementu bee ba komunidade mos tenke lancar, kontrola bee mos iha fatin fase kareta sira nee, atu iha futuru mai, ita labele depende makas ba osan mina nian,”informa nia.

Nunee mos Deputadu Paulino Monteiro mos hatutan katak, dependensia TL nian boot liu ba osan husi fundu mina rai, no rendementu husi resetas domestika nee kiik tebes, tanba nee, atu hasae resetas domestika iha rai laran maka, governu tenke kontrola didiak atividade kiik neebe lao iha rai laran, hanesan area Turismu, fatin fase kareta no seluk tan.

Ita hare iha fatin barak maka uza bee estraga deit, governu rasik la kontrola didiak, fatin fase kareta sira nee mos bele kontribui resetas ba estadu, tanba fatin fase kareta nee estraga bee mos maka barak liu,”informa nia.

Alende nee Faustinho Maria hanesan Manajer fase kareta iha Aitarak laran via telefone hateten, bee neebe uza hodi fase kareta nee, laos mai husi bee pam maibe bee nee, kompania bolu ema maka fura depois maka dada ho Saniu.

“Ami la selu taxa ba estadu tanba bee neebe uza ba fase kareta nee mai husi bee fura laos uza bee Pam neebe fornese husi governu,”tenik nia. Madalena Horta

 

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...