Tiket Nakroma Dili Atauro Sae Ba dolar U$ 4

DILI-Tiket Nakroma Dili Atauro sae ona ba dolar 4 kada ema ida, no ba mai dolar 8, ida nee fo impaktu ba komunidade sira neebe maka durante nee moris ho fila liman.

Tuir Reprezentante povu iha uma fukun Parlamentu Nasional, Deputadu Agostinho Lay, komunidade Atauro preokupa tebes ho tiket Nakroma Dili Atauro uluk dolar 2 kada ema ida, maibe agora sae ona ba dolar 4, ida nee bele fo impaktu ba atividade ekonomia neebe lao iha Atauro, tanba ema neebe fila liman nee tenke mai sosa sasan iha Dili maka, lori ba faan iha neeba, no tiket ba mai dolar 8 kada ema.

Hau hanoin governu tenke hare didiak bainhira atu hasae presu tiket nakroma husi dolar 2 ba dolar 4, tanba povu iha Atauro moris ho atividade negosiu kiik, pasajeirus balun laiha osan atu sosa tiket ba mai,”informa Deputadu  Agostinho Lay ba STL iha nia knar fatin PN, Segunda (13/03/2017).

 Nia mos informa liu tan katak, negosiante barak maka husi Dili ba faan sira nia sasan iha Atauro, bainhira tempu  sabadu, no sasan neebe sira faan nee presu aas tanba, sosa tiket Nakroma ba mai dolar 8  karik lori tan sasan balun maka selu ketak fali ona, tan nee governu tenke halo redusaun ba presu tiket nakroma.

Iha parte seluk Vogal II Aportil Victor Maia hatutan katak, tiket Nakroma husi Dili ba Atauro  dolar 4 no  ba mai dolar 8 maibe barak maka sae nakroma la sosa tiket tanba sira mai ho alasan oin oin deit.

Hau hanoin presu tiket Nakroma husi Dili ba Atauro sae ba dolar 4 nee kleur tiha ona, no ita tenke hasae duni presu tanba kondisaun roo nakroma komesa katuas dadauk ona, ita presiza halo mantensaun no gasta osan,”informa nia.

Nunee mos Mario Gomes hanesan Atauro oan hatutan, uluk tiket Nakroma husi Dili ba Atauro dolar rua deit, no ba mai dolar 4, maibe agora sae ona 4 dolar ba mai dolar 8.

“Ami nia preokupasaun nee hatoo bebeik ona ba iha membru Parlamentu sira maibe, too agora sei dauk iha solusaun, ema lao  lao tanan deit maka selu dolar 8, lori tan sasan maka seluk ketak fali ona, no laos Nakroma deit maka hasae folin maibe Roo Laju  mos hanesan husi Dili ba Atauro 5 dolar, ba mai 10 dolar,”informa nia. Madalena Horta

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...