Timor Oan Iha Korea, Hatama Osan Miliaun U$7

DILI – Tinan nee Traballador Timor oan neebe maka servisu iha Korea hatama osan miliaun U$ 7, transfer direitamente ba sira nia familia iha Timor Leste (TL).

Tuir Sekretariu Estadu para Politika Formasaun Professional Empregu  (SEPFOPE) Ilidio Ximenes da Costa katak, SEPFOPE servisu hamutuk ho banku rua, hanesan banku ANZ ho Banku Nasional Comersial Timor Leste (BNCTL) tinan nee banku  fo dadus ba SEPFOPE, hare katak, tinan nee Traballador Timor Oan neeebe Servisu iha Korea Hatama Osan Miliaun U$ 7 ba TL.

Hau hanoin SEPFOPE haruka Traballador ba servisu iha Korea, haruka Osan direitamente mai  ba familia sira, atu hadia sira nia ekonomia familia, balun  hadia uma, balun selu osan ba eskola, balun sosa trek hodi tula sasan halo negosiu, balu sosa makina dulas  haree, no makina  sama haree, “dehan Elidio liu husi Diskursu Tersa (14/03/2017) iha TP.

Nia hatete, Program SEPFOPE haruka traballador Timor Oan servisu iha rai liur, bele apoiu redus numeru dezempregu no kria servisu ba ema seluk, tanba hahu husi Traballador ba servisu, buka osan rai didiak, haruka fali mai familia sira, halo negosiu, kria servisu ba ema seluk, tanba sosa trek fo servisu ba supir, signifika katak, programa haruka ba servisu rai liur fo benefisiu tebes ba Timor oan sira, bele hetan esperensia husi ema nia rai, hetan osan, fila mai investe iha rai laran.

Traballador Timor oan servisu iha Korea 2000 resin balun iha area peskas, agrikultura, industria fabriku, hanoin sira fila dezenvolve setor potensial iha TL.

Iha fatin hanesan Diretor Jeral Politika Formasaun Professional Empregu Paulo Alves hatete, Traballador servisu iha Korea total ema nain 2000 resin  maibe barak liu iha area peskas nian besik  ema 1000 resin, area agrikultura no fabriku industria numeru kiik.

Traballador Timor oan sira neebe servisu iha Korea, sira hatama osan miliaun $ 7 mai TL liu husi banku ANZ no BNCTL fo direitamente ba familiar, hadia sira nia moris ekonomia,’’dehan Nia.

Nia hatete, Traballador sira mos  prontu sosa redi  no sosa roo, tanba nee governu liu husi SEPFOPE planu aloka orsamentu atu  sosa roo ba  sira, atu nunee sira fila  mai investe kaer ikan iha TL, agora planu hare orsamentu maibe sei tau osan iha 2018.

Total orsamentu aloka sosa roo hira, depende ba proposta husi Traballador, planu tinan oin tau orsamentu, tanba sira iha ekipamentu redi, presiza Governu Apoiu osan sosa roo ida tan para fasilita sira halo investimentu peskas iha TL.

Nunee mos Vise Prezidente CCI-TL Joao Alves hatete, Program politika SEPFOPE  nian, haruka servisu iha Korea diak tebes tanba hetan matenek iha ema nian nasaun, buka osan investe iha rai laran kria kampu servisu ba ema seluk, hanoin Traballador Korea iha hanoin atu sosa roo mai investe iha TL.

“Hau hanoin iha inisiativa diak tebes, sosa roo, mai halo investimentu iha rai laran, kria kampu servisu ba ita nia an rasik no fo servisu ba ema seluk, husu ba joven sira kopera ho CCI-TL bele halo investimentu iha TL,’’Dehan Nia. Josefa dos Santos

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...