Tinan Nee EDTL Hetan Miliaun 20 Husi Komunidade, Balu Kontinua Liga Ilegal

DILI – Iha tinan nee nia laran Eletrisidade de Timor Leste (EDTL) hetan reseitas husi komunidade tomak iha rai laran, neebe mak uza eletrisidade hamutuk Milliaun 20 resin.

Informasaun nee fo sai husi Vise Ministru Obras Publik Transporte e Komonikasaun, Januario da Costa Pereira, ba jornalista sira iha Palacio do Governu wainhira remata reuniaun Konsellu Ministru Tersa (14/06/2016).

Tinan-tinan iha mudansa reseitas no iha tinan ida nee hau bele dehan katak milliaun 20 resin ida nee mudansa neebe mak makas,” hatete Januario.

Nia hatutan maske reseitas makas maibe too ohin loron sei iha komonidade balu mak kontinua dada eletrisidade illegal maibe husi parte EDTL kontinua kontrola no tesi hotu ahi neebe mak dada illegal inklu mos fo multa. Laos nee deit oras nee dadaun mos komoniade 85% mak asesu ona eletrisidade maske iha balu mak seidauk maibe nia garantia 100% komonidade tomak sei asesu eletrisidade tanba sei iha prosesu nia laran.

Iha fatin ketak Akademia, Fransisco da Costa, hatete sente triste no moe tebes tanba laos deit komoniade babain mak liga ahi illegal maibe inklui mos nain ulun balu no funsionariu estadu nian. Informasaun kompletu iha STL Jornal no STL Web, edisaun Kuarta (15/6/2016). Thomas Sanches

LEAVE A REPLY

Please enter your comment!
Please enter your name here