DILI – Prezidente Republika Timor Leste, Taur Matan Ruak, hatete maioria populasaun Timor Leste 80% moris ho vida agrikultura, maibe kontinua moris iha mal nutrisaun nia laran.
Taur Matan Ruak kasu lia hirak ne’e iha ninia deskursu, wainhira partisipa iha loron mundial aihan, ne’ebe organija hosi Ministeriu Agrikultura Peskas (MAP) iha Merkado Lama Kuarta (16/10).
Timor Leste foin mak ukun an no Timor Leste mos iha problema barak iha problema sira ne’e ida mak problema mal nutrisaun no problema ai han nianagora se mak iha problema ida ne’e no se mak sofre ba problema ida ne’e se ita hare didiak mal nutrisaun, problema aihan ne’e sira ida ne’ebe mak halo to’os no natar sira ne’e mak sofre fali mal nutrisaun halo ita mos la komprende lolos sira ne’e mak iha hahan barak no isin diak, tanba timor leste iha 80% moris hanesan agrikultura hatete Taur.
Xefi Estadu ne’e hatutan lolos ema sira ne’ebe servisu iha governu ou fatin balu mak tenke krekas, tanba laiha to’os no natar maibe iha TL oinseluk, ema ne’ebe produs aihan isin la diak maibe ema ne’ebe mak la produs aihan isin diak fali.
Hatan ba prekupasaun PR ne’e, Ministru Agrikultura e peskas, Mariano Assanami Sabino husu ba povu timor oan hotu liu-liu inan aman agrikultura sira, atu esforsu no haka’as hodi halakon problema 4 mak hanesan Siguransa alimentar, nutrisaun, soberania alimentar, hamenus kiak no hasae rendimentu ba povu. Informasaun kompletu iha STL Jornal no STL Web, edisaun Kinta (17/10). Thomas Sanches