DILI-Eventu Tour de Timor ba loron lima, Aileiu-Dili ho distansia kolimentru 77,8, Australia okupa primeiru lugar hodi dudu ses siklista husi Malaysia ba segundu no terseiru lugar, Timor Leste kontinua tama iha kuatru lugar.
Observasaun jornal ne’e nota viajen Tour de Timor husi Aileu Vila ba Dili nebe remata iha Tasitolu, iha Ailieu komesa husi tuku 7:15 to iha tasi tolu kuaze 12.00, primeiru lugar tama iha lina final Tasi tolu, primeiru lugar klase internasional ciklista Australia Adam Cobian tama iha lina final ho durasaun tempu 3:04:15.
Segundu lugar siklista husi Malaysia Shahrin Bin Amir ho numero bisikleta 01, tama iha garis final ho durasaun tempu 3:04:31 no terseiru lugar Halfiz Bin Rozli husi Malaysia ho numero bisikleta 86 tama iha lina final ho durasaun tempu 3:07:42.
kategoria Internasional feto primeiru lugar husi Timor Leste Francelina Cabral ho numeru bisikleta 11 tama iha lina final ho durasaun tempu 4:07:42 tama tuir iha urutan 25, segundu lugar Cavo Verdi Susan Marx tama iha lina final ho durasaun tempu 4:10:38 no terseiru lugar husi Australia Laura Liong ho tama iha lina final ho durasaun tempu 4:10:41.
Kategoria nasional mane primeiru lugar Antonio Martins ho numero bisikleta 86 tama urutan ke 4 ho durasaun tempu 3:14:44,seundu lugar mak jose Almeida Araujo Numero bisikleta 86 tama urutan ke 6 ho durasaun tempu 3:20:03, no terseiru lugar Jacinto da Costa tama urutan ke 7 ho durasaun tempu 3:20:04. Informasaun kompletu iha STL Jornal no STL web, edisaun Sabado (7/9). Timotio Gusmão
