DILI-Presidenti Tribunal Rekursu Claudio Ximenes taka ibun ba karta rejignasaun nebe nia haruka ba Presidente Republika (PR) Taur Matan Ruak, atu rejigna-an husi kargu Presidente Tribunal Rekursu (TR).
Prezidente Tribunal Rekursu (TR) Claudio Ximenes lakoi fo komentariu kona ba karta rejignasaun nebe nia haruka ona ba PR Taur Matan Ruak, atu rejigna-an husi nia kargu.
Hau laiha komentariu kona ba ida ne’e, hatete Prezidente Tribunal Rekursu, Claudio Ximenes ba Jornalista sira iha Caicoli, Tersa (25/02)
Nia mos husu ba jornalista sira atu hare karta rejignasaun, nebe nia haruka ona ba Xefe Estadu Taur Matan Ruak. Antes nee Presidente Tribunal Rekursu (TR) Claudio Ximenes iha loron (25/02) haruka ona karta rejignasaun ba PR Taur Matan Ruak.
Tuir informasaun nebe jornalista sira hetan husi fontes konfirmadu katak, rajaun rezignaan nee tanba kazu nebe akontese iha tinan kotuk nebe Juiz Presidenti DR. Claudio Ximenes fo ninia opiniaun, hodi fo liberdade ba suspeitu iha kazu omesidiu nebe konhesidu ho foho osan mean husi prizaun preventivas. Informasaun kompletu iha STL Jornal no STL Web, edisaun Kinta (27/2/2014). Domingas Gomes