Trabalhador Oecusse Lamenta, Kompania Obriga Servisu Iha Domingu

AMBENO – Trabalhadores neebe involve iha mega-projetu ZEESM lamenta (hirus) tamba kompaina neebe manan projetu ZEESM obriga sira servisu nafatin iha loron Domingu.

Trabailhador ba Kompaina Younjing, Goris Colo (nudar kondutor eksa) hateten, tuir lolos, sira tenke deskansa iha loron Domingu hodi ba tuir misa iha igreja. Maibe Kompaina Youngjing lakohi fo lisensa. Haruka sira kontinua servisu iha loron Domingu.

Ami husu lisensa para ba tuir misa, maibe kompaina husi Xina nee lakohi. Obriga ami kontinua servisu. Lalaok hanesan nee, halo ami hirus,” hateten Goris Colo ba STL iha Lifau, Suku Lifau, Sub Regiaun Pante Makassar, Oecusse, Domingu (4/3/2017).

Nudar ema Timor, katak Colo, loron Domingu nee loron maromak nian. Sarani hotu tenki ba tuir misa iha igreja. Maibe kompaina husi Xina nee lakohi fo lisensa. Obriga sira servisu nafatin. Tuir orariu kompaina, sura loron sira tenki tama servisu tuku 08.00 too tuku 05.00 OTL lokraik. Semana ida tomak sira laiha deskansa. Se iha loron Domingu sira latama servisu, kompaina nain ameasa, pecat sira. Tan nee, hakarak ka lakohi, sira tenki kumpri.

Atu katak sa, ami tenki kumpri tamba buka osan. Domingu hakarak atu tuir misa iha igreja maibe tauk kompaina pecat, ami ho traibailhador railiur, kontinua servisu nafatin,” hateten Colo.

Anselmus Mau Fuca (trabalhadores iha Kompanha Wika Karya, husi Indonesia) mos dehan, tuir lolos loron Domingu nee loron deskansa ba ema hotu. Mais servisu iha projetu ZEESM nee, “Hau triste tamba Domingu mos servisu nafatin. Husu atu deskansa mos labele. Loron Domingu kompania obriga ami tenki servisu nafatin,” nia dehan.

Sura loron, husi Segunda too Sabadu, sira tama servisu hahu tuku 08.00, dalaruma tuku 10.00, remata tuku 05.00 lokraik. Domingu mos tama servisu nafatin.

Ita servisu laiha loron deskansa, halo ita bosan servisu, halo ita baruk. Maibe ami pasensia, tenki kumpri orariu kompania tamba osan. Ami husu kompaina atu deskansa loron ida maibe kompaina lakoi fo lisensa. So moras mak, kompaina haruka ami ba konsulta, maibe tama fali servisu, tenki lori deklarasaun ruma husi hospital,” hateten Mau Fuca.

Kuandu sira latama servisu, kompanha dehan kedas, “agora servisu barak, kuandu imi baruk, bele ba buka servisu seluk”. Konaba salariu, katak Mau Fuca, sira lahatene. Kompania haruka sira servisu deit. Nebe servisu too fulan, lahatene simu osan hira.

Hatan preokupasaun nee, Pe. Fransisco Marques hateten, konaba ida nee, husu ba kompaina nain mak hatene. Maibe tuir lolos, Domingu nee loron deskansa. Nudar sarani, dader tenki ba misa, depois mak kontinua servisu. Kuandu kompaina haruka servisu nafatin, nee lalos.

“Trabailhador laos makina, nebe servisu lahatene oras deskansa. Tansa governu nia servisu hahu Segunda too Sexta, e tansa loron Domingu, kompaina haruka trabailhador sira servisu nafatin. Husu ba governu para tau matan ba kompaina hirak neebe haruka ema servisu latuir regras neebe estadu halo tiha ona. Kompaina sira labele kontra,” hateten Pe. Fransisco Marques. EST5

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...