Traballador Abandona Hotel Ambeno

AMBENO-Durante semana rua, Hotel Ambeno, Oecusse, abandona tamba la selu trabalhadores Timor Oan no trabailhadores estranjeiru (hamutuk nain 59) neebe servisu iha hotel nee. Sira abandona servisu tamba fulan rua resin, Kompaina Dili Capital Partners Asia, lasimu sira nia salariu.

Trabailhadores nain 59 neebe involve iha konstruksaun Hotel Bintang 5 (Hotel Ambeno) nee, mogok servisu tamba kompaina laselu sira nia salariu durante fulan rua resin.

Antonio da Costa Magelhaens (trabalhador) hateten, “Hau so triste ba ami nia orsamentu. Atrazu kuaze fulan 2 resin, halo ami baruk servisu. Semana rua ona ami la servisu. Sura loron, ami mai tur halimar deit iha Hotel Ambeno nee. Ami lahatene, agora patraun iha neebe los,” hateten Antonio ba STL iha Hotel Ambeno, Segunda (6/3/2017).

Sura loron sira ba iha hotel nee, koalia sira nia osan. Fulan rua resin seidauk selu maibe husi ZEESM dehan deit, “Hen lai, orsamentu sei prosesa hela”. Maibe ida nee, katak Antonio, atraza ona sira nia servisu. Semana rua ona sira la servisu. “Ami husu governu atu ajuda resolve ami nia problema nee. Fulan rua resin ona, ami seidauk simu ami nia osan, hahu husi Janeira too agora. Ami husu ba kompaina maibe kompaina dehan fali, kuandu hetan pagamentu husi ZEESM, mak foin halo pagamentu ba sira,” konta Antonio.

Mariano Sequeira (trabalhador) dehan tan. Kompaina promete atu selu iha Janeiru maibe adia tiha. Dehan hein tan, semana rua. Too tiha semana rua, kompaina la halo pagamentu. Kompaina nain dehan ba sira: “Imi tenke servisu lai hodi hein imi nia osan” maibe realidade laselu. Ho nee, kompanha promete ba sira dala tolu ona. “Tan ida nee mak, ami lakoi kontinua servisu. Kompaina tenkiser, halo pagamentu lai. Ami presiza osan baa mi nia familia,” hateten Mariano.

Husi fatin lahanesan, Director SEPFOPE Oecusse, Tarsicio da Costa hateten, preokupasasun Kompanha Timor Capital Partners  Asia, parese sira deskansa hodi hein material neebe sei prepara. Kompaina deskansa laos signifika katak, remata ona sira nia servisu maibe sei prepara material. Tamba nee mak, patraun kompaina nee mos laiha. Nia sibuk prepara material ba Hotel Ambeno.

Nudar SEPFOPE, afirma Tarsicio, sira nia knar mak, halo monitorizasaun. Karik iha problema, sira foti medidas. Bolu kompaina no trabalhador sira. Konaba salariu, nia dehan, tuir Lei Numeru 5/2012, desizaun ba problema sira hanesan nee, tri partir (emprezariu, governu no trabalhadores) mak tenki haree, oinsa bele rezolve.

Sekuando iha emprezas ruma viola trabailhador sira nia direitu, maske ba salariu lahakerek iha lei, mas tri partit iha desizaun atu hakotu. Katak, salariu ba trabalhador iha Timor Leste maije menus fulan ida hetan $115.00. Kuandu menus husi nee, entaun labele liu husi nee. Maibe hakerek iha Lei Numeru 5/2012, katak servisu loron ida hanesan nee, depois fulan ida tenke hanesan nee, nee laiha. So iha deit sabedoria husi tri parter. Katak, trabalhador TL kuando servisu fula ida, emprezas tenke selu $115.00 inklui mos ema estranjeiru. Lei nee la berlaku deit ba Timor oan maibe mos trabailhador estranjeiru neebe servisu iha Timor leste. EST5

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...