Tratamentu Ladiak, Produsaun Kafe Tun

DILI- Ministeriu Agrikultura e Peskas (MAP) ladun halo tratamentu diak ba  riku kafe, tanba nee  produsaun kafe tun.

Tuir  Representante povu iha uma fukun parlamentu nasional Deputadu Adriano Joao hatete, Timor Leste (TL)  potensial platasaun kafe liu iha Munisipiu Ermera, Manufahi, turiskai, liquisa, maubisi presiza halo tratamentu diak, hodi bele hasae produsaun kafe iha rai laran, hodi responde ba merkadu domestika, redus kafe tugu buaya.

Hau hanoin  governu liu husi ministeriu agrikultura e peskas (MAP) tenke kontrola platasaun kafe, oinsa apoiu povu agrikultura kafe nain sira hodi refloresta, halo tratamentu diak, bele hasae produsaun kafe iha rai laran,” dehan  Adriano Joao ba STL iha knar fatin PN, Segunda (13/3/2017)

Nia hatete, durante TL depende importasaun kafe tugu buaya, maibe exportasaun kafe menus, sasan hotu depende importasaun husi rai liur, hanoin tempu ona, governu liu husi MAP ho MCIA tenke akompania promove produtu kafe timor hodi  distribui ba merkadu nasional no internasional, hodi redus importasaun kafe tugu buaya.

Kafe timor  produsaun menus  iha fatin barak ema sei konsumi kafe tugu buaya hanoin esforsu governu tenke hare asuntu  riku soin kafe neebe oras estabelese iha rai laran, maske governu halo esforsu apoiu refloreta platas kafe, maibe seidauk maximu.

Iha  fatin hanesan representante povu iha uma fukun parlamentu nasional Deputadu Paulino Monteiro   hatete, produsaun kafe tun, tanba  kafe hun tuan ona,  fuan karik ladun barak ona, presiza governu liu husi MAP tenke halo  tratamentu diak refloresta kuda kafe oan para moris mai karik fuan barak.

Maibe ohin loron hare, kafe hun tuan ona, produsaun tun, importante governu liu husi MAP Tenke halo tratamentu rehabilita kafe hun tuan, tesi sanak  sira tuan, para  moris fali mai,  fuan buras, no kuda kafe oan bele fo produsaun boot, exporta  ba rai liur hatama reseitas ba estadu,” dehan nia.

Nunee mos hatan kestaun husi Eis Diretor Jeral MAP Lourenco Borges Fontes hatete, los duni produsaun kafe tun tanba kafe hun tuan, fuan ladun barak ona, hanoin MAP sei esforsu servisu hamutuk povu agrikultura kafe nain sira, hodi halo tratamentu ba kafe hun tuan, tesi kafe hun tuan, kuda kafe oan, para moris fuan karik buras hodi hasae produsaun kafe iha rai laran.

“Agora dadaun tekniku MAP apoiu nafatin grupu agrikultura kafe nain sira, halo refloresta platas industria kafe ,rehabilita, kuda kafe oan, hamos kafe hun tuan, oinsa halo tratamentu diak, bele hasae produsaun kafe, bele exporta ba rai liur, hodi hatama reseitas ba estadu no povu agrikultura sira hetan benefisiu, osan husi rendimentu kafe nee,” dehan nia. Josefa dos Santos

 

LEAVE A REPLY

Please enter your comment!
Please enter your name here

NEWS UPDATE

Kandidata An Ba PR, Labele Sai Opozisaun Ba Instituisaun Estadu

DILI, STLNEWS.co – Jurista Timoroan husu ba sidadaun se deit maka atu kanidata an ba Prezidente Republika, tenke hatene funsaun PR nian. Tuir Jurista Sergio...

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...