Tribunal Absolve Arguida Joana Husi Krime Ofensas

DILI-Tribunal Distrital Dili (TDD) absolve hikas arguida Joana dos Santos Ximenes husi krimi Ofensas Integrade Fizika Simples (OIFS), tanba lezada Julieta da Costa Ximenes hakarak dada fila fali kazu no dame malu ho arguida.

Liu husi audensia julgamentu, tribunal deklara, krime nee simples  ho natureza semi publiku lei fo dalan ba tribunal hodi halo tentativa rekonsiliasaun. Sekarik  lezadu prontu perdua arguidu no hakarak dada fila fali kazu nomos dame malu ho arguidu. Tribunal sei homolonga kazu nee husi buletin krime.

Nunee tribunal halo konfirmasaun, lezada Julieta mos hatete nia prontu perdua arguidu no hakarak dada fali kazu nee. Iha biban hanesan arguida Joana mos  deklara  katak, nia simu saida mak lezada hatoo ona, no ba oin nia sei la halo tan hahalok nee.

Ho ida nee tribunal hadame kedas parte rua, arguida no lezada hakuak malu ho matan ben iha tribunal nia oin. Informasaun kompletu iha STL Jornal no STL Web, edisaun Sabado (28/5/2016). Domingas Gomes

LEAVE A REPLY

Please enter your comment!
Please enter your name here