Tribunal Julga Kazu Eis Funsionariu MSS Kobra Vitima Krize 2006

DILI– Tribunal Distrital Dili, Kinta (18/07/2013) kontinua halao julgamentu ba kazu krime burla agravadu nebe komete husi Arguida Rosa Fatima de Jesus Soares, nudar eis funsionariu Ministeriu Solidaridade Sosial (MSS), iha Gabinete Inspeksaun interna iha tinan 2006.

Liu husi audensia julgamentu nebe lidera husi juiz singular Antonio Helder do Carmo fo sai akuzasaun husi Ministeriu Publiku katak, iha loron 23 Fevereiru 2009 arguida servisu iha gabinete inspeksaun auditoria interna MSS, iha loron 24 janeriu 2010 vitima sira nebe hanesan deslokadu krize 2006 ba MSS hodi hare lista naran konaba prosesu pagamentu ba deslokadus.

Tuir Akujasaun katak Arguida hatete ba vitima sira se mak fo osan pulsa ho valor $ 200,00 sei hetan osan rekuperasaun $4.500,00, osan pulsa $100,00 sei hetan rekoperasaun $1500,00 no osan pulsa $50,00 sei hetan osan rekuperasaun $500,00.

Atetude arguida nian ne’e halo ferik katuas kbit laek hamutuk nain 150, sente kontenti no halibur osan hahu husi $50,00 to’o $200 oferese ba arguida atu prosesa lalais sira nia resivu pagamentu, Maibe realidade hatudu osan montante hamutuk $11,900,00 arguida lori uja ba nia interese privadu no vitima kbit laek sira kontinua halerik hodi ejiji arguida atu selu sira nia osan.

Remata rona akuzasaun husi Ministeriu Publiku, arguida Rosa desidi lakohi koalia ba tribunal konaba, azukasaun nebe mak ministeriu publiku akuza ba arguida ho faktus ne’ebé akuza hasoru  arguida relasiona arguidu ninia hahalok iha tinan 2010 no 2009. Informasaun kompletu iha STL Jornal no STL Web, edisaun Sesta (19/7). Timotio Gusmão

LEAVE A REPLY

Please enter your comment!
Please enter your name here

NEWS UPDATE

Nilton: Kompetisaun LFTL Tinan Nee Realiza Nafatin

DILI, STLNEWS.co – Prezidente Liga Futebol Timor Leste (LFTL), Nilton Telmo Gusmão hatete, kompetisaun LFTL epoka tinan 2022 tenke realiza nafatin ho durasaun tempu...

Ekipa STL Corp. Hasoru Malu Ho General Manager Bank Mandiri Timor Leste

DILI, STLNEWS.co - Ekipa Suara Timor Lorosae Corporation (STL Corp.) neebe dirije husi Supervisor STL Corp, António César de Jesus Soares akompaña husi Redaktur...

Ezonera Tenente Jeneral Lere, Governu Nomeia Falur Ba XEMFA

DILI, STLNEWS.co – Konsellu Ministru (KM) aprova ona projetu governu nian konaba ezonera Tenente Jeneral Lere Anan Timur husi Xefe Estadu Maior Jeneral Forsa Armada...