Tuku Isin Ida, Aquito Selu Multa Ba Valentina

DILI-Liu husi alegasaun final Ministeriu Publiku husu ba Tribunal atu aplika pena multa ba arguidu Sequito F. Siqueira, tanba provadu halo agresaun fisika hasoru lezada Valentina de Castro.

Liu husi audensia julgamentu, Ministeriu Publiku husu ba Tribunal atu aplika pena multa ba arguidu Sequito Sequeria. Tanba arguidu provadu komete krimi ofensas integrade fizika simples hasoru nia fen neebe previstu iha artigu 145 kodiku penal Timor-Leste, ho husi kodiku penal artigu 3 alinea a no artigu 35 alinea B husi lei kontra violensia domestika lei nomeru 07/2010.

Tuir akuzasaun husi Ministeriu Publiku katak, iha loron 16 Julhu 2013  tuku 1:30 iha uma Aldeia Malere, Suku Aisoromou, Postu Administrativu Aileu Vila, Munisipio Aileu, mosu diskusaun entre arguidu ho lezada tanba lezada nia prima ho naran Alexandrina dos Santos hakarak ba eskola fali iha Gleno-Ermera. Husi diskusaun nee, halo arguidu hirus hodi tuku dala ida iha lezada nia matan fikun sorin los no rakut dala ida iha lezada nia kakorok. No konsekuensa husi arguidu nia hahalok nee halo lezada hetan moras no bubu iha matan no moras iha kakorok.

Arguidu halo ida nee ho forma livre no konsientemente i la ignora karakter sunseravel nia konduta. Ho nunee arguidu hanesan autor material neebe komete krime ofensas integrade fizika simplest hasoru nia fen neebe previstu iha artigu 145 kodiku penal Timor-Leste, husi kodiku penal artigu 3 alinea a no artigu 35 alinea B husi lei kontra violensia domestika lei nomeru 07/2010.

Hatan ba akuzasaun sira nee arguidu deklara katak,  akuzasaun sira nee los hotu, desde sira hola malu foin baku primeiraves. Ho idanee nia senti arepende ba nia hahalok nee. No agora sira kontinua moris hamutuk nafatin hanesan fen laen.Nunee konfirma fali ba lezada no lezada mos deklara hanesan. Informasaun kompletu iha STL jornal no STL Web, edisaun Sabado (27/2/2016). Domingas Gomes

LEAVE A REPLY

Please enter your comment!
Please enter your name here