DILI—United Nations Office on Drugs and Crime (UNODC) asina akordu ho Polisia Nasional Timor Leste (PNTL). Akordu ne’e atu membru UNODC kapasita membru UPF iha fronteira.
Hafoin remata remata asina MOU ba jornalista sira, Sekretariu Estadu Seguransa (SES), Fransisco da Costa Guterres, esplika akordu nebe’e maka hosi UNODC, hanesan kantor asistensia ba droga no krime, fo asistensia ba PNTL, liu-liu ba iha servisu UPF.
Tanba nee ho asina MOU ida nee para atu hodi fo tan formasaun ba iha polisia, ida nee hanesan inisiativa ne’ebe maka diak teb-tebes no atu hodi bele ajuda komandu para hasae kbit ba membru polisia sira, liu-liu membru UPF nebe’e maka halao’o seguransa iha areas fronteira, dehan Fransisco ba jornalista, iha kuartel jeral PNTL Kaikoli Dili, Sesta (06/09).
Entretantu tuir komadante Jeral PNTL komisariu Longuinhos Monteiro, hateten MOU ne’e, UNODC halao’o ho PNTL atu kapasita membru polisia sira, liu-liu iha areas fronteira, alende ne’e mos hare ba servisu PNTL iha krime organizadu sira. Informasaun kompletu iha STL Jornal no STL web, edisaun Sabado (7/9). Sonia Ferreira