DILI- Sidadaun estranjeiru nebe halao aktividade Peskas Ilegal loron hirak liu ba, Naval sira kaptura iha Hera, nee oras ne’e intrega ona ba Polisia Investigasaun Nasional no agora sei prosesa hela iha Ministeriu Publiku (MP).
Tuir segundu komandante Unidade Polisia Maritima (UPM) Luis da Costa katak dadaun ne’e sira sei hare hela dokumentus husi ro’o nebe foin intrega, antes intrega fali ba Polisia Investigasaun Nasional hodi prosesa iha Ministeriu Publiku.
Hau hanoin Roo ida nebe foin entrega mai iha Unidade Polisia Maritima nee oras nee dadauk ami sei hare hela sira nia dukumentus sira nee, depois maka entrega ba iha Polisia Investigasaun Nasional hodi prosesa ba iha Ministeriu Publiku atu nunee bele prosesa tuir lei no orden nebe maka iha ona, tan nee amo sei intrega evidensia sira nee ba iha PNTL, dehan Segundu Komadante UPM, Luis da Costa ba Jornalista sira Sesta (18/10/2013), iha nia knar fatin Lecidere Dili.
Iha parte seluk Komandante Interinu Serivisu Investigasaun Krime (SIK) Manuel Alves hateten ema nebe halo peskas illegal iha rai laran, nee oras nee Forsa Maritima sira kaptura ona ema balun no sira hosi Unidade Polisia Maritima foin interga mai Iha Investigasaun, tan nee prosesu seidauk. Informasaun kompletu iha STL Jornal no STL Web, edisaun Sabado (19/10). Madalena Horta
