Vicente Vota Kontra Rekerementu Frente Mudansa-CNRT

DILI- Prezidente Parlamentu Nasional (PN) Vicente Guterres vota Kontra rekerementu husi Bankada Frente Mudansa no CNRT, hodi hasai Kompozisaun Meja Parlamentu Nasional iha dalan klaran kuandu laiha ona Konfiansa politika.

Kontiudu rekerementu husi Bankada Frente Mudansa no CNRT mak meja PN laiha ona konfiansa tenki halo elisaun, tamba rezimentu neebe mak iha Kompoziaun meja Parlamentu Nasional eleitu ba tinan 5.

Rekerementu nee mos husu Kompozisaun Meja PN kuandu deputadu Maioria lakon konfiansa ona, tenki iha mekanismu hodi hatun kompozisaun meja Parlamentu iha dalan klaran.

Rekerementu nee PN konsege aprova ho Votus Afavor 43, Kontra 1 no apstensaun 9 nunee PN mos konsege aprova hodi hakat ba elisaun foun Prezidente Parlamentu foun ho kompozisaun meja neebe halao iha parte loraik.

Prezidente Parlamentu Nasional Vicente Guterres, Jornalista tenta hodi halo Konfirma rajaun vota kontra ba rekerementu husi Bankada CNRT no Frente mudansa, maibe nia parte lakohi fo komentariu.

Liu husi Sesaun Plenaria Segunda (02/05/2016) iha PN, Xefi Bankada CNRT Natalino Dos Santos hatete rekerementu husi Bankada CNRT no Frente Mudansa nee atu hadia rezimentu PN, nunee bele fo dalan atu hapara kompozisaun meja iha dalan klaran kuandu laiha ona konfiansa.

Iha fatin Vice Prezidente Parlamentu Nasional atual deputadu Bankada PD Adriano Nacimento hatete Bankada PD vota apstensaun ho rajaun parlamentu tenki reve duni rezimentu tamba la fo dalan atu halo hanesan buat neebe mak oras nee akontese iha parlamentu. Informasaun kompletu iha STL jornal no STL Web, edisaun Tersa (3/5/2016). Timotio Gusmao

LEAVE A REPLY

Please enter your comment!
Please enter your name here