DILI- Kazu Krime Ofensas Integradu Fisiku Simples nebe akontese entre Arguidu Antonio de Jesus, Ministeriu Publiku notifika hanesan arguidu tama iha Tribunal Distrital Dili, maibe la konsege halo julgamentu tamba arguidu ho Vitima rezolve tuir familia, tan ne’e arguidu Antonio taka kanek Vitima Juliana Madeira nia ulun nebe bubu ho valor osan US $100,00.
Iha sala audensia Julgamentu Tersa (02/07) juiza Edite Palmira esplika ba vitima katak kazu nebe komete husi arguidu Antonio de Jesus Fatima ba krime ofensas ba integridade fizika simples hanesan krime semi publiku, tan ne’e lei fo dalan ba Tribunal atu bele halo rekonsiliasaun entre lezada ho arguidu iha tribunal.
Kuandu iha karta ruma nebe sei fo garantia ba arguidu katak iha futuru arguidu labele halo tan hahalok nebe hanesan ba lezada Juliana Madeira, bele rejolve tuir familia maibe presiza hatudu ba Tribunal konaba karta aseitasaun entre Arguidu ho vitima.
Juiza ne’e husu ba vitima Juliana katak iha duni disponibilidade husi lezada atu resolve problema, tanba lezada aseita mak kazu refere la persiza eziste ou julga ona maibe Tribunal sei hadame deit parte lezada ho arguidu. Informasaun kompletu iha STL Jornal no STL Web, edisaun Kuarta (3/7). Timotio Gusmão
