Vitima Lakohi Dame, TDD Adia Julgamentu

DILI-Tribunal la konsege halo mediasaun ba kazu krime ofensas integridade fisika simplest ho numeru prosesu 0002/14.DIATR no 0003/14.DIATR neebe involve arguidu Manecas da Conceiçao Soares ho Abilio Barbosa.

Liu husi audensia julgamentu, tuir lei krime nee nia natureza semi publiku. Tanba nee lei fo dalan ba tribunal atu halo mediasaun ba parte rua hodi dame malu. Maibe iha mediasaun nee vitima Paul Saldanha de Araujo no Benjamin Lima lakohi atu dada fali kazu no lakohi dame malu ho arguidu sira, noa sira hakarak atu kontinua ho julgamentu. Tanba nee tribunal adia fali ba loron 4 fulan Maio 2016 tuku 15:00 loraik hodi kontinua ho julgamentu.

Akuzasaun husi ministeriu publiku katak, iha loron (16/05/2014) oras 22:00 otl ema barak konsentra iha arguidu Manecas nia uma hodi reza. Lezadu Paul Saldanha mai hasai liafuan tolok no dehan naok ten nee maromak lalika tama uma. Nunee polisia Rofino Marques hare no haruka lezadu fila ba nia uma. Nunee arguidu Manecas tuir mai haruka polisia Rofino hodi bolu lezadu ba iha eskuadra PNTL nian.

Lezadu too mai arguidu Manecas rakut lezadu nia hasan rahun, kaer nia kamisa hodi hateten o mak jagoan iha Atauro nee ka. Arguidu Abilio hakat ba besik hodi basa iha nia ibun, kanuruk sorin los, depois membru forsa naval posto Atauro nian neebe la konsege identifika nia naran hakilar hodi dehan o mak jagoan nee ka. Lori nia ba haris fatin no hatama nia ulun ba bee laran depois lori nia sai fali mai liur. Arguidu Abilio tuku tan dala Ida ba iha nia sorin karuk hodi halo nia monu ba rai.

Lezadu Benjamin Lima nudar lezadu Paul nia maun nia maun rona nia alin arguidu sira baku, nia sai ba buka tuir nia alin iha eskuadra PNTL nian. Bainhira nix too ba arguidu Abilio kaer no atu kolu nia kalsa, tebe dala rua iha nia kelen sorin karuk no los hodi hetan kanek no bubu. Konsekuensia husi hahalok arguidu sira nian nee, hamoras lezadu nain rua nia isin no hakanek lezadu Benjamin Lima nia isin, hanesan mostra iha ezaminasaun mediku. Informasaun kompletu iha STL jornal no STL Web, edisaun Kinta (10/3/2016). Domingas Gomes

LEAVE A REPLY

Please enter your comment!
Please enter your name here