Xanana Dehan Hudi Laran Sai Xina Laran

DILI- Eis Primeiru Ministru atual Ministru du Planeamentu Investimentu Estratejiku Kaya Rala Xanana Gusmao afirma, iha tinan 2009 kuandu lao liu husi hudi laran neeba hudi maka sei nakonu, maibe agora  nee,  hudi laran Bairo-Pite sai tia ona Xina laran.

Eis Primeiru Ministru nee dehan, hare ba kestaun sira nee hotu maka, foin dadauk iha konferensia Internasional ba investimentu sira mos temi ona katak, seitor privadu presiza bok aan oituan. Maibe seitor privadu atu bok aan no hanoin oituan, problema maka banku, tanba banku fo kreditu, selu fila fali ho funan neebe boot.

Iha tinan 2009 hau kuandu liku-liku iha Hudi laran neeba, hudi maka nakonu, maibe foin tinan kotuk hau ba fali hare iha neeba nee laos hudi laran, mais bolu dehan xina laran ona,” dehan Ministru Xanana, bainhira halo deskusaun ba lei Ordenamentu territoriu, Iha PN, Dili, Sesta (24/06/2016).

Iha parte ketak Diretor ONG HIR Ozorio Bianco hatete, ema estranjeiru liu-liu Xineza kada loron tama mai iha nasaun nee barak, laos deit konsentra iha hudi laran. Maibe sira mos oras nee badiu to tiha ona iha area remotas hodi halao aktividade negosiu.

Entretantu Membru Parlamentu Nasional husi bankada CNRT, Domingos Carvalho de Araujo hatete, nia sempre kestiona ema estranjeiru sira neebe maka mai iha rai laran ho visa turista, depois sai tiha sidadania Timor oan no balu hola tan feto Timor oan sira. Informasaun kompletu iha STL Jornal no STL Web, edisaun Sabado (25/6/2016). Carme Ximenes

LEAVE A REPLY

Please enter your comment!
Please enter your name here