Xanana Esplika Programa PEDN Iha Partners Meeting

DILI—Primeiru Ministru (PM), Kay Rala Xanana Gusmao, liu husi sorumutuk ho Parseiru dezenvolvementu, iha Eis salaun Merkado Lama Dili, Kuarta (19/6), esplika kona ba programa Planu Estratejiku Dezenvolvementu Nasional (PEDN), ho nia tema, “Operasionaliza Planu Estratéjiku Dezenvolvimentu ba Rezultadu ne’ebé Efektivu”.

Partisipa iha sorumutuk ho Parseiru Dezenvolvementu, maka Vise Prezidente Parlamentu, Adriano Nasciomento, Prezidente Tribunal Rekursu, Claudio Ximenes, Sekretáriu Estadu Negósiu Estranjeiru no Koperasaun, Francisco Almeida Leite,  UNSG, Noeleen Heyzer, Reprezentante Banku Mundial, no mos soiedade sivil nian.

Tuir, PM Xanana katak tinan 10 nia laran, nudar estadu soberanu redus no kriasaun pontu inportante balun atu alkasa dezevolvementu milinium nian. Ba ida ne’e, Kintu governu konstitusional fo sai tiha ona katak ba tinan lima nia laran, atu implemeta planu estratejiku dezenvolvementu nasional, hodi halakon duni kiak iha mediu prazu.

“Hau bele hatete katak programa Kintu governu konstitusional nia, programa tinan lima ba dala uluk husi Planu Estratejiku Dezenvolvementu, bainhira aprezenta planu ida iha Parlamentu nasional, atu fo hanoin ba iha deputadu sira no mos ba Timor hotu-hotu katak halo planu laos servisu fasil ida, liliu ba nasaun ne’ebe infrenta preoridade oin-oin deit, halo planu ba dezenvolvementu nasional, katak halo jestaun ba dezafiu oin-oin deit, tanba ita labele konbre preoridade hotu-hotu iha tempu hanesan,” hatete PM Xanana liu husi ninia deskursu iha, salaun Eis Merkado Lama, Dili.

Atu halo implementasaun kona ba planu PEDN, PM Xanana mos rekoinese katak Rekursu umanu iha TL sei menus, ne’eduni ba tinan lima ida ne’e governu tau espesial ba dezenvolvementu kapital sosial, tanba riku soin maka nia povu. Informasaun kompletu iha STL Jornal no STL web, edisaun Kinta (20/6). Oscar Salsinha

LEAVE A REPLY

Please enter your comment!
Please enter your name here

NEWS UPDATE

Atletizmu Realiza Kampionatu Nasional

DILI, STLNEWS.co – Federasaun Atletizmu Timor Leste realiza kampionatu nasional, ho objetivu hodi halo selesaun ba atleta sira neebe mak atu partisipa iha kompetisaun Sea...

Suku 4 Iha Munsipiu Aileu Seidauk Asesu Eletrisidade

DILI, STLNEWS.co – To'o oras nee suku 4 iha Munisipiu Aileu, kompostu husi aldeia 31 seidauk asesu eletrisidade, tanba nee sente hanesan diskriminasaun ba populasaun. Informa...

TL Presiza PR Iha Maturidade No Matenek

DILI, STLNEWS.co – Loron 19 fulan Marsu sei hala'o eleisaun prezidensial, tanba nee Timor Leste (TL) presiza Prezidente Republika (PR) neebe maturidade no matenek. Tuir...