Xanana Estratezia Barak Buka Solusaun Fronteira Marima

DILI – Eis Gerileiru atual Ministru Planiamentu Investimentu Estrateziku Xanana Gusmao neebe lidera negosiasaun fronteira maritima entre Timor Leste ho Australia, loron ruma sei hetan Solusaun tamba Xanana iha Estratejia barak.

Tuir Prezidente Partidu Fretilin Francisco Guterres Lu-OLo katak Australia laiha vontade atu halo negosiasaun fronteira maritime, maibe Timor Leste sei la para no buka nafatin estratezia oin-oin atu nunee loron ida bele hetan solusaun.

Hau senti negosiasaun nee diak tamba Ministru Dezemvolvimentu Kay Rala Xanana Gusmao mak lidera ekipa ida hodi halo negosiasaun fronteira tasi, Hau fiar Xanana, ema ida luta dor nee iha estratezia barak atu ita manan ita nia soberania,” dehan Lu-Olo ba Jornalista, Tersa (02/03/2016) iha Sentru Konvensaun Dili.

Nia parte fiar katak Xanana sei uza nia kbiit tomak hodi halo defeza no tur hamutuk ho Ulun boot no Autoridade Australia ho Indonesia, atu halo Negosiasaun ba fronteira tasi entre Timor Leste, Australia no Indonesia.

Hatan konaba Governador Australia neebe vizita Timor Leste sei fo vantazen ba negosiasaun fronteira tasi, Lu-Olo hatete nia parte seidauk bele hatete buat ida tamba la hola parte iha governu, tamba nee governu mak iha direitu hodi hatan.

Iha fatin ketak Xefi Bankada CNRT Natalino dos Santos hatete vizita Governador Australia neebe mak sei vizita Parlamentu Nasional nee, sei lori aspirasaun povu nian hodi hatoo mensazen ba governador Australia atu rekoinese direitu povu Timor Leste. Informasaun kompletu iha STL Jornal no STL Web, edisaun Kinta (3/3/2016). Timotio Gusmao

LEAVE A REPLY

Please enter your comment!
Please enter your name here