TIBAR—Primeiru MInistru (PM), Kay Rala Xanana Gusmao ho Sekretariu Jeral Partidu Fretilin, Mari Alkatiri partisipa iha Retiru Komisaun Nasional ba Eleisaun (CNE), iha Otel Tibar, Kasait, Liquica, Kinta (1/8), hodi reforsa instituisaun CNE, no atu hasae krebilidade CNE iha Futuru mai.
Retiru CNE durante loron haat nia laran, ho tema, “Hametin Kultura Demokrasia iha rai doben Timor Leste.” Liu husi eleisaun ne’ebe lao diak, justu, livre, sekretu, pesoal, kredibel, no periodiku, tanba TL iha ninia maturidade politika.
Tuir, Sekretariu Jeral Partidu Fretilin, Mari Alkatiri ba Jurnalista iha Kasait, Liquica, Kinta (1/8), katak nia hamutuk ho Xanana partisipa iha retiru CNE ho razaun atu kontribui hodi reforsa kapasidade instituisaun CNE nia iha futuru mai.
Hau nia kontribuisaun ohin hau hahu foka iha hau nia intervensaun iha reforsu kapasidade institusional, CNE, STAE, estadu tomak halo jestaun elitoral sai kredibilidade, ida ne’e maka hau nia focus, no fo estotosia ituan mona ba mai husi ne’ebe no atu ba ne’ebe, nia hatete.
Tuir, Mari katak atu tau ema iha CNE baze ba reprezentantivu iha parlamentu, maibe iha TL orgaun estadu maka indika atu ema ba kompoin iha CNE, maibe CNE rasik presiza atu reforsa nia kapasidade institusional, ne’e so profesionalisa ba CNE. Informasaun kompletu iha STL Jornal no STL Web, edisaun Sesta (2/8). Oscar Salsinha