DILI– Primeru Ministru (PM) Xanana Gusmao, Sigunda (16/12/2013) hasoru malu ho Prezidente Republika Taur Matan Ruak, hodi diskuti konaba nina rezignasaun iha 2014.
Hafoin hasoru malu ho Xefi Estadu, PM Xanana ba jornalista sira hateten ema hotu hatene ona konaba ninia rejignasaun, tamba ne’e nia rasik sei halo enkontru tan ho Mari Alkatiri, Lu-Olo nomos Ramos Horta, hodi deskuta konaba asuntu ne’e.
Tamba nee hau informa ba Prezidente hanesan ema hotu rona hau atu rezigna aan/mundur diri, nebee aban hau sei inkontru ho Mari Alkatiri, Lu-Olo ho Ramos Horta, tamba ami nee bolu antigun jerasaun (Jerasaun tuan), nebee ami sei koalia oin nusa partisiapa iha prosesu konstrusaun estadu oinsa, hanesan ita boot sira hatene dezisaun hau nia la muda tempu nee maka iha 2014 nia laran, hateten Xanana, iha Palasiu Prezidensial.
Nia hatutan maibee sira sei prepara kondisoes, katak muda jerasaun tuan, sira iha papel seluk, laos ba toba. Hodi orienta nafatin novu jerasaun, hahu dadaun ona simu responsabelidade ho diakliu.
Prezidente Republika Taur Matan Ruak mos simu desizaun nebee Primeru Ministru foti, rezigna aan, hodi intrega poder ba jerasaun foun. Informasaun kompletu iha STL Jornal no STL Web, edisaun Tersa (17/12). Joao Anibal