Xefi Suku Preokupa Fasilidade

DILI-Lider komunitaria (xefi suku) iha area Postu Administrativa Lakluta, Munisipiu Viqueque, preokupa ho fasilidade apoiu servisu hanesan motorizada, makina hakerek (mesin ketik, komputador) no fasilidade sira seluk. Sasan hirak nee, sira laiha.

Problema nee hatoo husi membru Bankada CNRT, Brigida Corea ba jornalista iha Uma Fukun PN, Dili, Tersa (21/2/2017). Semana kotuk liuba, sira halo enkontru ho xefi suku sira iha Lakluta ho koalia konaba oinsa dezenvolvimentu suku. Iha biban nee, Xefi Suku Diloe Ahik, Uma Kiik, nst, sira hotu preokupa tebes fasilidade hodi apoiu sira nia knar.

Xefi suku foun neebe eleitu iha fulan Novembru 2016, balu laiha motorizada. Bainhira tuir enkontru ruma iha postu administrativa no munisipiu araska tebes. Ministeriu Asministrasaun Estatal (MAE) presiza fo importansia.

Membru Bankada Fretilin Manuel Castro mos informa. Katak,  membru Konsellu Suku sira iha area Munisipiu Baucau preokupa tebes ho subsidiu. Too agora sira la simu subsidiu. Sira dehan, sai membru konsellu suku i lahetan buat ruma, hanesan deit. Lakon tempu deit, diak liu sira sai ba halo toos no natar.

Membru konsellu suku sira nee, mai husi reprezentante joventude feto no mane, delegadu no delegada no sira seluk. Too agora sira la simu subsidiu. Relasiona ho preokupasaun nee, Manuel Castro foti iha plenariu PN. Husu Sekretaria Estadu Asuntu Parlamentar Terezinha Maria Viegas kontinua hatoo ba MAE para fo atensaun ba problema nee.

Membru Bankada FM, Jorge da Conceicao Teme hateten, membru konsellu suku sira nia direitu preve ona iha lei. Sira iha direitu atu simu subsidiu. MAE tenke tau iha planu orsamentu, atu nunee membru konsellu suku sira bele simu sira nia subsidiu. Governu prepara tiha ona membru konsellu suku sira atu halo atendementu ba komunidade, maibe sira lao liman mamuk deit nee, labele. MAE tenke prosesa orsamentu ba membru konsellu suku sira. Augusto da Costa

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...